Peyğəmbərin (salləllahu aleyhi və səlləm) ailə həyatının ən bariz vəsflərindən biri də, ailədə yaşanan zühd həyatıdır. Zühd həyatdan qopmaq demək deyildir. İnsanların çalışaraq halal yoldan qazanc əldə etmələrini ibadət hökmündə görən Peyğənbər (salləllahu aleyhi və səlləm) də əlbəttə ki, həyatdan qopmamışdı. Lakin O, əsla qəlbində dünya malına yer verməmişdi. "Krallar kimi verib, yardımları ilə yoxsulları zəngin etdiyi halda, həsir yatağında yatmağa, arpa çörəyi yeməyə davam etdi." "Ümməti üzərindəki sözü ən güclü hökmdarlardan daha təsirli və özü ən çox itaət edilən bir dövlət başçısı olan Rəsulullah (salləllahu aleyhi və səlləm) paltarını öz əliylə yamayar, acından qarnına daş bağlayar, bəzən evində yeyəcək bir şey tapılmazdı.
