Ali-İmran surəsi: 64 ayət

قُلْ يَٓا اَهْلَ الْكِتَابِ تَعَالَوْا اِلٰى كَلِمَةٍ سَوَٓاءٍ بَيْنَنَا وَبَيْنَكُمْ اَلَّا نَعْبُدَ اِلَّا اللّٰهَ وَلَا نُشْرِكَ بِه۪ شَيْـٔاً وَلَا يَتَّخِذَ بَعْضُنَا بَعْضاً اَرْبَاباً مِنْ دُونِ اللّٰهِۜ فَاِنْ تَوَلَّوْا فَقُولُوا اشْهَدُوا بِاَنَّا مُسْلِمُونَ
(سورة آل عمران ٦٤)

De: “Ey Kitab əhli! Bizim və sizin aranızda olan eyni bir kəlməyə gəlin ki, Allahdan başqasına ibadət etməyək, Ona heç bir şeyi şərik qoşmayaq və Allahı qoyub bir-birimizi ilahiləşdirməyək”. Əgər onlar üz döndərsələr, deyin: “Şahid olun ki, biz müsəlmanlarıq!”
(Ali-İmran surəsi: 64 ayət)

Uca Allahın bu ayəsində Rəbbimiz kitab əhlini iman əhli ilə küfr arasında olan tək bir kəlməyə çağırır. Bu ayədə istifadə olunan (تعالى) feili (عُلُوٌّ) ucalıq sözündəndir. Misal olaraq dağın hündür  yerində olan insan dağın ətəyində olan insanı çağırdıqda bu feildən istifadə edir. Sanki Uca  Allah bununla küfrün və şirkin dərinliklərində və çuxurlarında olan  kəsləri hidayətin və imanın zirvəsinə çağırır.