Allahın göydən endirdiyi elə bir bərəkət yoxdur ki, bir sıra insanlar ona küfr etməsin

İmam Şəmsuddin İbn Muflih -rahiməhullah- dedi: 

وله أيضا عنه مرفوعا: "ما أنزل من السماء من بركة إلا أصبح فريق من الناس بها كافرين، ينزل الله الغيث فيقولون: الكوكب كذا وكذا"، وفي رواية "بكوكب كذا كذا"، فهذا يدل على أن المراد كفر النعمة

Habelə onun Peyğəmbərdən -salləllahu aleyhi və səlləm- rəvayət etdiyi hədisdə gəlmişdir: "Allahın göydən endirdiyi elə bir bərəkət yoxdur ki, bir sıra insanlar ona küfr etməsin. Allah yağış endirir onlar isə deyirlər: Filan və filan ulduz. Bir rəvayətdə: Filan və filan ulduz sayəsində yağdı. Bu da, qəsd edilənin nemət küfrü olduğuna dəlalət edir." (Əl-Furu:3/234)

İmam Mənsur İbn Yunus əl-Buhuti -rahiməhullah- dedi:

وفي رواية «بكواكب كذا وكذا» فهذا يدل على أن المراد كفر النعمة (وإضافة المطر إلى النوء دون الله اعتقادا كفر إجماعا) قاله في الفروع وغيره، لاعتقاده خالقا غير الله

 "Bir rəvayətdə gəlib: (Filan və filan ulduz sayəsində.) Bu da, qəsd edilənin nemət küfrü olduğuna dəlalət edir. Ancaq yağışın etiqad yönündən Allaha deyil ulduza izafət edilməsi icma ilə küfrdür. Bunu əl-Furu kitabında və başqaları demişlər. Çünki beləsi Allahdan başqa yaradanın olduğunu etiqad edir." (Kəşşəful qinə':2/75)

İmam Mustafa ər-Ruheybəni -rahiməhullah- dedi: 

إن اعتقد أن النجوم فعالة بنفسها، لقولهم: إضافة المطر إلى النوء دون الله تعالى كفر إجماعا، وأما من يعتقد أن الله تعالى يخلق، عند اقتران الكوكب الفلاني بالكوكب الفلاني، لا أنهما يفعلانه، فلا

"Əgər yağışı Allaha deyil ulduza izafət etmələri barədə gələn sözdə, ulduzların özlüyündə təsir etdiyini etiqad edərsə icma ilə kafir olur. Ancaq filan ulduzun filan ulduza birləşdiyi zaman Allahın yaratdığını və bunu ulduzların etmədiyini etiqad edən şəxs kafir olmur." (Mətalibu ulin nuhə:1/811)